Seulda Azərbaycanın turizm potensialına həsr olunmuş tədbir keçirilib
9 sentyabr 2025-ci ildə Seulda Azərbaycanın turizm potensialına həsr olunmuş növbəti şəbəkələşmə tədbiri baş tutub.
Artıq 2-ci ildir ki keçirilən tədbir Azərbaycan və Koreyanın turizm sahəsinin təmsilçilərini bir araya gətirən ənənəyə çevrilib.
Tədbirdə səfir Ramin Həsənov və Azərbaycan Turizm Bürosunun idarə heyətinin sədri Florian Zenqstşmidin çıxışları ilə bərabər, Azərbaycanın turizm imkanları haqqında təqdimat edilib, B2B müzakirələri aparılıb və mətbuat konfransı keçirilib.
